Tilshunoslikda otlar faqat grammatik shakllanishiga ko‘ra emas, balki leksik-semantik mazmuniga ko‘ra ham bir necha turlarga bo‘linadi. Ulardan eng muhimlari — umumiy va xususiy, kоnkret va mavhum otlardir. Bu turkumlashtirishlar o‘quvchilarda otlarning mazmuniy ko‘lami va ishlatilish vazifasini to‘g‘ri anglashga xizmat qiladi. Umumiy otlar bir jinsdagi predmetlarning barchasiga umumiy nom sifatida beriladi. Masalan, bola, kitob, shahar, daraxt, qush kabi so‘zlar umumiy otlarga misoldir. Bu otlar aniq bir shaxs yoki narsani emas, balki shu turdagi har qanday vakilni bildiradi. Boshlang‘ich sinf o‘quvchilari uchun umumiy otlar bilan ishlash osonroq bo‘lib, ular dastlab shu turdagi otlar bilan tanishadi.