Interfaol so`zi inglizcha so`z bo`lib, “inter” – o`zaro va “act” – harakat qilmoq ma’nolarini bildiradi. Interfaol o`qitishda o`qituvchi o`quv faoliyatining faol tashkilotchisi bo`lib, o`quvchi bu faoliyatning sub’ekti sifatida namoyon bo`ladi. Interfaol usullar o`quvchilardan axborotlarni o`zlashtirish jarayonidagi faollikni, ijodkorlik, mustaqillikni shakllantiribgina qolmay, o`qitish maqsadlarining to`laqonli amalga oshishiga yordam beradi. Bugungi kunda o`qitish tizimidagi eng samarali interfaol o`qitish metodlariga quyidagilarni kiritishimiz mumkin.