Kesim gap markazi bo’lib, u tasdiq-inkor, zamon, mayl, shaxs-son ma’nolarini ifodalab keladi, hukmni ifodalaydi va gapning boshqa bo’laklarini o’z atrofida birlashtiradi. Kesim hukmni ifodalovchi, gaplarning asosiy belgilarini ko’rsatuvchi eng muhim bo’lakdir. Gapda ega ham, ikkinchi darajali bo’laklar ham bevosita yoki bilvosita kesimga bog’lanadi. Kesimga to’g’ridan to’g’ri bo’glanish bevosita deyiladi. Kesimga emas boshqa bo’laklar orqali bog’lanish bilvosita deyiladi. Kesim nima qildi?, nima qilyapti?, nima qiladi? (ba’zan nechanchi?, qanday?) kabi so’roqlarga javob bo’ladi. Kesim qaysi turkum so’zlari bilan ifodalanishiga ko’ra ikki xil bo’ladi: a. fe’l kesim b. ot-kesim Fe’l va fe’lning turli shakllari bilan ifodalangan kesim fe’l-kesim deyiladi. Fe’l-kesimlar quyidagi ko’rinishga ega: a. Sof fe’l-kesimlar: Men maktabga