Ushbu mavzu ona tili fani bo‘yicha o‘quvchilarda kompetensiyalarni shakllantirishga yo‘naltirilgan Davlat ta’lim standartlari (DTS) va o‘quv dasturlari mazmunini yoritishga bag‘ishlangan. Tavsifda DTS va o‘quv dasturlarining asosiy vazifasi o‘quvchilarda tilga oid nazariy bilimlar bilan bir qatorda ularni amaliy nutq faoliyatida qo‘llay olishga xizmat qiladigan kompetensiyalarni rivojlantirishdan iborat ekani ta’kidlanadi. Mavzuda ona tili ta’limi mazmunining kompetensiyaviy yondashuv asosida yangilanishi, o‘quvchilarda lingvistik, kommunikativ, nutqiy va madaniy kompetensiyalarni shakllantirishga qaratilgani qisqacha bayon etiladi. Shuningdek, o‘quv dasturlarida til va nutq birligini ta’minlash, o‘quvchi markazli ta’limni tashkil etish hamda zamonaviy pedagogik texnologiyalarni qo‘llashga alohida e’tibor qaratilgani yoritiladi.