Narsa va hodisalar orasidagi o`xshashlik asosida ulardan birining ifodasi bo`lgan so`zni ikkinchisini ifodalash uchun qo`llashdir, metaforada shakliy o`xshashlik: belgi-xususiyat, harakat-holat nazarda tutiladi. Metonimiya - grekcha metanymia “qayta nomlash” demakdir. Narsa va hodisalar o’rtasida makon va zamondagi aloqadorlik asosida birining nomini ikkinchisiga ko’chishi metonimiya hisoblanadi. Sinekdoxa - grekcha synecdoche “birgalikda anglash” so’zidan olingan bo’lib, narsa yoki shaxs qismini nomini aytish bilan o`zini (butunni) yoki narsaning nomini aytish bilan uning qismini tushunishga asoslangan ma’no ko`chish hodisasidir. Vazifadoshlik asosida ma’no ko`chishi. Narsa va hodisalar o’rtasidagi vazifaviy bir xillik asosida birining nomi orqali ikkinchisining ifodalanishi vazifadoshlik asosida ma’no ko’chish deyiladi.