“O`QUVCHILARNING SUBYEKTIV BAHO IFODALOVCHI QO`SHIMCHALAR USLUBIYATI USTIDA ISHLASH MALAKALARINI RIVOJLANTIRISH (10-SINF MISOLIDA)” MUNDARIJA: KIRISH……………………………………………………………………………2 I.BOB. SUBYEKTIV BAHO IFODALOVCHI QO‘SHIMCHALARNING NAZARIY ASOSLARI 1.1. Subyektiv baho ifodalovchi qo‘shimchalarning ma’no va funksiyalari…….…4 1.2.O‘zbek tilida subyektiv bahoning grammatik va stilistik ko‘rinishlari…...........9 II.BOB. 10-SINF ONA TILI DARSLARIDA SUBYEKTIV BAHO IFODALOVCHI QO‘SHIMCHALARNI O‘QITISH METODIKASI 2.1. Ona tili darslarida subyektiv baho ifodalovchi qo‘shimchalarning o‘rni va o‘ziga xosligi…………………………………………………………………………..…14 2.2. Subyektiv baho ifodalovchi qo‘shimchalarni o‘qitishda foydalaniladigan usul va texnikalar…………………………………………………………………….……20 XULOSA…………………………………………………………………….……26 FOYDALANILGAN ADABIYOTLAR RO‘YXATI…………………………..28 KIRISH Mavzuning dolzarbligi: O‘zbek tilida subyektiv baho ifodalovchi qo‘shimchalar tilning emotsional va ekspressiv imkoniyatlarini aks ettiradi. Ushbu qo‘shimchalar nutqning boy va ta’sirchan bo‘lishini ta’minlab, gapiruvchi yoki yozuvchining hissiy munosabatini ifodalashga xizmat qiladi. Tilshunoslikda bunday qo‘shimchalarni o‘rganish tilning leksik-semantik, grammatik va stilistik jihatlarini chuqur tushunishga yordam beradi. Ayniqsa, 10-sinf o‘quvchilari uchun ushbu mavzuni o‘rganishi muhim, chunki bu yoshda ular o‘z fikrlarini aniq va emotsional ifoda qilishni o‘rganish bosqichidadir. Subyektiv baho ifodalovchi qo‘shimchalar mavzusi, shuningdek, ona tili darslari uchun qiziqarli va ijodiy imkoniyatlar yaratadi. Bu mavzu yordamida o‘quvchilar grammatik bilimlarni hayotiy misollarda qo‘llashni o‘rganadilar va tilning ma’no qatlamlarini chuqurroq anglaydilar. Ushbu mavzu bo‘yicha olib boriladigan ishlar o‘quvchilarning o‘z ona tiliga bo‘lgan qiziqishini oshiradi, ularni mantiqiy va ijodiy fikrlashga o‘rgatadi. Bu, shuningdek, ularga nutq boyligini oshirish va ta’sirchan ifoda usullarini egallash imkonini beradi. Shu sababli, mavzu o‘qituvchilar uchun ham, o‘quvchilar uchun ham muhim ahamiyatga ega.Ular o‘quvchilarning bilim, ko‘nikma va qobiliyatlarini oshirishga xizmat qiladi hamda mantiqiy fikrlash, ijodkorlik va mustaqil ish olib borishga undaydi. Insonning eng muhim xususiyatlaridan biri so‘zlash qobiliyatidir.. Nutqning normal faoliyati holatiga uning psixofiziologik mexanizmlarning zaiflashuviga bog‘liq holda til normalaridan chetlashuvi bilan belgilanadi. Kommunikativ nazariya nuqtai nazaridan qaraganda, nutq buzilishlari bu aloqa vositasining buzilishidir. Bunda individ bilan jamiyat orasidagi nuqtiy muomalada ko‘zga tashlanadigan o‘zaro munosabatlarning buzilgani ma’lum bo‘ladi. Kurs ishining maqsadi: Mazkur ishning asosiy maqsadi o‘quvchilarning subyektiv baho ifodalovchi qo‘shimchalarning nazariy asoslarini o‘rganish va ularni nutq jarayonida to‘g‘ri qo‘llash malakalarini rivojlantirishdir. Subyektiv baho ifodalovchi qo‘shimchalar mavzusi, shuningdek, ona tili darslari uchun qiziqarli va ijodiy imkoniyatlar yaratishdan iborat. Kurs ishining vazifalari: 1. Subyektiv baho ifodalovchi qo‘shimchalar haqida nazariy bilimlarni shakllantirish. 2. O‘quvchilarning bu qo‘shimchalarning funksiyalari va vazifalarini tushunishlariga ko‘maklashish. 3. 10-sinf ona tili darslarida mazkur mavzuni o‘qitishning samarali usullarini ishlab chiqish. 4. O‘quvchilarning grammatik tahlil va ijodiy fikrlash ko‘nikmalarini rivojlantirish. 5. Subyektiv baho ifodalovchi qo‘shimchalarni amaliy mashqlar orqali o‘rgatish va ularni hayotiy nutq jarayonida qo‘llashga rag‘batlantirish. Kurs ishining tuzilishi: Kirish qismi, ikki bob, to‘rt paragraf, xulosa va foydalanilgan adabiyotlar ro‘yxatidan iborat.