Mavzuning dolzarbligi. Dunyo global rivojlanib borayotgan bir davrda davlatlar barqaror rivojlanish maqsadida davlatlar, xalqaro va mintaqaviy tashkilotlar bilan izchil aloqalar olib bormoqda. Bu davlatlarning rivojlanishlari bilan bir qatorda dunyoning barqaror tinchligi va xavfsizlik masalalarini ham kollektiv ravishda hal etish imkonini bermoqda. Oʻzbekistonning xalqaro va mintaqaviy tashkilotlar bilan integratsiyasi zamonaviy dunyoda strategik ahamiyatga ega boʻlgan dolzarb mavzudir. Bugungi global sharoitda hech bir davlat yolgʻiz ishlay olmaydi, ayniqsa Oʻzbekiston kabi geosiyosiy jihatdan muhim mintaqada joylashgan mamlakatlar uchun xalqaro hamkorlik hayotiydir. Zamonaviy dunyoda xavfsizlik, iqlim oʻzgarishi, energiya va suv tanqisligi kabi muammolar hamkorliksiz hal qilinmaydi. SHHT va TDT kabi tashkilotlar Oʻzbekistonga mintaqaviy va global masalalarda ovoz yetkazish imkoniyatini beradi. Shuningdek, integratsiya yoshlar uchun yangi bilim vamalaka olish imkoniyatlarini, madaniy almashinuvni kengaytiradi. Oʻzbekistonning "ochiq qoʻshni" siyosati unga Markaziy Osiyoda yetakchi rol oʻynashga imkon yaratmoqda. Xalqaro hamkorlik Oʻzbekistonni barqaror rivojlanish yoʻliga olib chiqish, aholi farovonligini oshirish va mintaqaviy hamjihatlikni mustahkamlash uchun dolzarbdir.