O‘ZBEKISTONNING ENG YANGI TARIXI “O‘ZBEKISTONNING ENG YANGI TARIXI” FANI majmua O‘ZBEKISTONNING ENG YANGI TARIXI Mundarija. 1. quv materiallari………………………………...................................4 1.1. Ma’ruza matnlari..................................................................................5 1.2. Amaliy (seminar) mashg‘ulotlar......................................................253 2. Mustaqil ta’lim mashg‘ulotlari...........................................................254 3. Glossariy.............................................................................................248 4. Ilovalar:............................................................................................... 1-МАВЗУ. КИРИШ.“ЎЗБЕКИСТОННИНГ ЭНГ ЯНГИ ТАРИХИ” ЎҚУВ ФАНИНИНГ ПРЕДМЕТИ, МАҚСАДИ ВА ВАЗИФАЛАРИ, НАЗАРИЙ-МЕТОДОЛОГИК ТАМОЙИЛЛАРИ.(2-соат) Режа: 1. Ўзбекистон энг янги тарихи фанининг предмети, объекти, уни ўрганишнинг назарий-методологик тамойиллари. Ўзбекистон тарихининг жаҳон халқлари тарихи билан бевосита уйғунлиги. 2. Ўзбекистон тарихини ўрганишда моддий ва ёзма манбаларнинг ўрни. 3. Ўзбекистон Республикаси биринчи Президенти Ислом Каримов комил инсонни тарбиялашда Ўзбекистон тарихи фанининг аҳамияти тўғрисида 4. Ўзбекистон Республикаси Президенти Шавкат Мирзиёев баркамол авлод ва маънавий етук шахсни тарбиялашда тарих фанининг ўрни ва сабоқлари хусусида. 5. Авесто қадимги аждодларимиз маънавий ҳаётини ўрганишда муҳим манба. Ўзбекистон энг янги тарихи фанининг предмети, объекти, уни ўрганишнинг назарий методологик тамойиллари. Ўзбекистон тарихининг жаҳон халқлари тарихи билан бевосита уйғунлиги. Тарих фани инсониятнинг ўтмиши, аҳолининг турмуш тарзи, жамият ижтимоий тараққиётига оид содир бўлган воқеа ва ҳодисаларни, инсоният жамиятининг барча тадрижий (эволюцион) ривожланиш жараёнларини ўрганади. Ватанимиз тарихи жаҳон тарихининг ажралмас қисми бўлиб, у аждодларимизнинг босиб ўтган тарихий йўли, турмуш тарзига оид маълумотларни маълум изчилликда ва кетма-кетликда ўрганади. Ўзбекистон тарихи фанини ўрганиш орқали биз аждодларимизнинг ҳаёти, турмуш тарзи хусусида тушунчаларга эга бўлиш баробарида, уларнинг жаҳон халқлари тарихий тараққиётига қўшган ҳиссалари ҳақида зарур маълумотларга эга бўламиз. Тарих хусусида холис маълумотларга эга бўлиш учун фаннинг предмети ва объектини тўғри белгилаб олиш муҳим аҳамиятга эга. Зеро, ҳозирги кунда тарихчилар олдида турган муҳим масалалардан бири бу, ўзбек халқи ва унинг давлатчилик тарихини фаннинг предмети ва уни ўрганиш объектидан келиб чиқиб, маълум назарий-методологик тамойилларга суянган ҳолда ҳаққонийлик, холислик асосида ёритишдан иборатдир.