Abdurauf fitratning “Oila” asarida oila qurish va farzand tarbiyasiga oid g‘oyalar Абдурауф фитратнинг “Оила” асарида оила қуриш ва фарзанд тарбиясига оид ғоялар Reja: 1. Kirish 2. Oila tushunchasining Fitrat talqinidagi ijtimoiy va falsafiy mohiyati 3. Oila qurish tartiblari va nikoh masalasining ijtimoiy-axloqiy mohiyati 4. Er-xotin munosabatlari, ayol masalasi va axloqiy mezonlar 5. Farzand tarbiyasi, iroda, erkinlik va millat kelajagi 6. Xulosa XX asr boshlarida Turkiston hududida yuzaga kelgan siyosiy, ijtimoiy va ma’naviy inqiroz holati milliy tafakkur tarixida tub burilish yasadi. Mustamlakachilik sharoitida shakllangan iqtisodiy qoloqlik, ilm-ma’rifatning sustligi, axloqiy tanazzul va ijtimoiy loqaydlik jadid mutafakkirlarini jamiyatni isloh qilishning yangi yo‘llarini izlashga majbur etdi. Bu izlanishlar markazida esa inson omili, undan kelib chiqib esa oila masalasi turardi. … Fitrat millatning saodati va izzatini ichki intizom bilan bog‘laydi. Ushbu ichki intizom esa, uning fikricha, bevosita oilada shakllanadi. Oila – milliy intizom maktabidir. Farzand oilada tartib, mas’uliyat va hurmat muhitida ulg‘aysa, u jamiyatda ham shu qadriyatlarni davom ettiradi. … Muallif to‘ylarning kichik doirada, soddalik va tejamkorlik asosida o‘tkazilishini targ‘ib qiladi. Qolgan mablag‘ esa yosh oilaning kelajagi uchun – uy-joy, sog‘liq, ilm va kasb-hunar egallashga sarflanishi zarurligini asoslaydi. Fitrat bu orqali oilaning iqtisodiy barqarorligini ta’minlashni millat taraqqiyotining muhim sharti sifatida ko‘radi. … Asarda ayolni faqat ro‘zg‘or yurituvchi yoki farzand dunyoga keltiruvchi shaxs sifatida emas, balki tarbiyaning faol subyekti, axloqiy muhitni shakllantiruvchi kuch sifatida ko‘radi. Shu sababli ayolning saviyasi, ma’rifati va axloqiy yetukligi millat kelajagiga bevosita ta’sir ko‘rsatadi. Fitrat bu masalada o‘z davriga nisbatan nihoyatda ilg‘or qarashlarni ilgari suradi. … Asarda er-xotin munosabatlaridagi axloqiy muhit farzand tarbiyasiga bevosita ta’sir ko‘rsatishini alohida ta’kidlangan. Farzand ota-onaning nasihatlaridan ko‘ra, ularning kundalik muomalasi, bir-biriga bo‘lgan munosabati orqali tarbiya oladi. Shu sababli oiladagi har bir so‘z, har bir xatti-harakat tarbiyaviy ahamiyatga ega. …