Didaktika ta’lim nazariyasi sifatida, umumiy o‘rta ta’lim mazmuni Mavzu rejasi: Ta’lim nazariyasi (didaktika) pedagogikaning tarkibiy qismi sifatida.Didaktikaning maqsad va vazifalari.Didaktik kategoriyalarning mazmun-mohiyati. Tayanch tushunchalar: didaktika, o‘qitish, o‘qitish jarayoni, didaktikaning asosiy kategoriyalari, ta’lim paradigmalari, ta’lim qoninuyatlari, ta’lim mazmuni, kompetentsiya, Davlat ta’lim standarti, o‘quv reja, o‘quv dasturi. Didaktika pedagogikaning tarkibiy qismi sifatida. Didaktika pedagogika nazariyasining nisbatan mustaqil qismi bo‘lib, unda o‘qitish jarayonining umumiy qonuniyatlari ochib beriladi. Didaktikaning so‘zma-so‘z tarjimasi «ta’lim nazariyasi» ma’nosini anglatadi. Didaktika «yunoncha» so‘zdan olingan bo‘lib, «didacticos» – o‘rgatish, o‘qitish ma’nosini bildiradi. Didaktika – ta’lim jarayoni, mazmuni, qonuniyat va tamoyillari, shakl, metod va vositalarini ilmiy asoslab beruvchi ta’lim nazariyasi, pedagogikaning alohida sohasi.