Мақол, матал, ҳикматли сўзлар каби паремиялар норасмий тарзда яшаш қоидаларидир. Инсон фаолиятининг барча қисмлари учун муайян мақол ёки ҳикмат мавжуд. Шу маънода паремияларнинг янги тадқиқот усуллари асосида ўрганиш ниҳоятда муҳим. Кўпгина халқларнинг паремиологик фонди катта ҳажмли ахборот бирликларини ўз ичига олади, уларнинг умумий маъносини маълумотни сақлаш, тўплаш ва узатиш усули сифатида ёзишдан маҳрум бўлган ибтидоий жамият ҳаётини тартибга солувчи долзарб максимумлар ташкил этади. Ёдда сақлаш ва узатиш учун маълумот оғзаки турғун шаклга киритилади ва кўпгина паремиялар асосида ётган метафора ёки метонимик асос паремияни эслаб қолиш ва унга хос бўлган маънони янада кўпроқ етказиш имконини беради.