Kirish Magistrlik dissertatsiyasi mavzusining asoslanishi va uning dolzarbligi Muhtaram yurtboshimiz Sh.M.Mirziyoyev oliy majlisga yo`llagan murojatida “Ilm va ta’limning qadriga yetib, davlatimizda ilm va ta’lim o`rganish bilan muhit yaratilsa, bobolarimizga munosib hayot va kelajakni qura olamiz” [1]-deya ta’kidlaganlar. Davlatimiz rahbari ta’kidlaganidek O`zbekistonning ertangi kuniga ishonchi mustahkamlash , ajdodlarga munosib bo`lish uchun islohatlarni ilmdan boshlash kerak. Chunki ilmsiz hech bir sohada natija bo`lmaydi. Keyingi uch yilda bu boradagi muammolarni samarali hal etish,mamlakatimizda kadrlar tayyorlash tizimini tubdan takomillashtirish bo`yicha keng ko`lamli ishlar amalga oshiriladi. Shu maqsadda qator farmon va qarorlar qabul qilinib, bu boradagi kompleks sa’y-harakatlar uchun puxta huquqiy zamin yaratildi.Maktabgacha ta’lim, umumiy ta’lim va oliy ta’lim tizimi mazmunan va sifat jihatdan yangilanib bormoqda Jonajon diyorimiz O`zbekiston Respublikasi mustaqilligining 29 yilligi munosabati bilan Prezidentimiz Shavkat Mirziyoyev tantanali tabrik nutqida taraqqiyotimizning maqsadi Uchinchi Renesans bo`lishi lozimligini ta’kidladi. Nihoyatda jozibali mazkur strategik g`oya o`zining ulug`vorligi, milliy yuksalish barcha jabhalarda qanday umumiy maqsadni ko`zlamog` zarurligini ko`rsatadi.Amalda davlat rahbari taraqqiyotning hozirgi bosqichida O`zbekiston milliy g`oyasining yangi va aniqlashtirilgan mazmunini ifodaladi. Uchinchi Renesans g`oyasini, avvalo jamiyatimiz chuqur anglab olmog` kerak. Shuning uchun ham biz maktabgacha ta’lim tizimini qayta ko`rib chiqish masalasini davlat siyosati darajasiga ko`tarib, bu borada katta ishlarni boshladik. Agar shu ishni har tomonlama puxta o`ylab amalga oshirmasak, butun ta’lim tizimida sifat o`zgarishiga erishishimiz, ta’limning uzluksizligini ta’minlashimiz qiyin bo`ladi, deya ta’kidladi[2] Shavkat Mirziyoyev. Yangiliklar yaratishga undash, maktabgacha ta’lim tizimi oldiga qo`yiladigan davlat talablari, ta’lim-tarbiya dasturlari ilg`or xorijiy tajriba asosida takomillashtiriladi.[3] Ushbu dasturlar bolalarga o`qish va yozishni turli o`yinlar orqali o`rgatish, ularning ijodiy faoliyatini kengaytirish, kabi bir qator vazifalar ijrosi ta’minlanmoqda. Xususan hozirgi kunda Maktabgacha ta’lim tashkilotlarida tarbiyalanuvchilarning ijodiy qobilyatlarini oshirish, san’atga bo`lgan qiziqishlarini rag`batlantirishga qaratilgan qator ishlar amalga oshirilmoqda. Bu borada art-terapiya usulidan foydalanishni yo`lga qo`yish samarali natijalarga erishishga zamin yaratadi. art-terapiyaning asosiy maqsadi oʻzini namoyon qilish va oʻzini oʻzi bilish qobiliyatini rivojlantirish orqali ruhiy holatni uygʻunlashtirishdir. art terapiya insonga san'at orqali, psixologik muammolarini hal qilishiga ko`maklashadi. Davolovchi mash­g‘ulotlar albata art-terapevt, psixolog yoki psixotеrapevt ishtirokida o`tkazilishi shart. Tadqiqot ob’ekti va predmeti: Muzrabot tumanidagi 22-66 sonli maktabgacha ta’lim tashkiloti tarbiyalanuvchilari. Maktabga tayyorlov guruhlari tarbiyalanuvchilarida Art-terapiya yordamida ijodiy qobiliyatlarini rivojlantirish. Tadqiqot ishining maqsadi va vazifalari: Maktabga tayyorlov guruhlari tarbiyalanuvchilarida art-terapiya yordamida ijodiy qobiliyatlarini rivojlantirishning nazariy amaliy asoslarini o`rganish va amaliy tavsiyalar ishlab chiqish. 1.Maktabgacha yoshdagi bolalarni ijodiy qobilyatlarini rivojlantirishning mazmun mohiyatini o`rganish. 2.Psixolog pedagog olimlarning ijodiy faoliyatni rivojlantirishga doir ilmiy ishlarini o`rganish. 3.Maktabga tayyorlov guruhlari tarbiyalanuvchilarida Art-terapiya yordamida ijodiy qobiliyatlarini shakllantirishning samarali yo`llarini ishlab chiqish. [1] Mirziyoyev Sh.M.Oliy majlisga murojati Xalq so’zi gazetasi [2] http://www.uza.uz/ [3] Ta’lim va tibbiyot muassasalarini moliyalashtirish mexanizmini hamda davlat moliyaviy nazorati tizimini yanada takomillashtirish to’g’risidagi PQ-3231 21.09.2017