Maktabgacha ta'lim nazariyasi – bolalarning erta rivojlanish bosqichlarini o‘rganadigan muhim pedagogik yo‘nalish bo‘lib, jamiyatning har tomonlama taraqqiyotida alohida ahamiyatga ega. Inson hayotining ilk yillari, psixologlar va pedagoglar tomonidan isbotlanganidek, shaxs rivojlanishining eng sezgir davri hisoblanadi. Shu bois, maktabgacha ta’limga qaratilgan ilmiy yondashuvlar va nazariy asoslar bugungi kunda alohida o‘rinni egallaydi. Maktabgacha ta'limning fan sifatida shakllanishi, avvalo, jamiyatning rivojlanish ehtiyojlari, ta'limga bo‘lgan ijtimoiy talab va davlat siyosatining ta'limni qo‘llab-quvvatlashiga asoslangan. Jahon tajribasi shuni ko‘rsatadiki, bolalarning erta ta’lim olishi nafaqat ularning shaxsiy rivojlanishi, balki jamiyatning ijtimoiy va iqtisodiy farovonligini oshirishga ham xizmat qiladi. Mazkur referatning maqsadi – maktabgacha ta'lim nazariyasining shakllanishiga ta'sir ko‘rsatgan ob’yektiv shart-sharoitlarni aniqlash, ularning ijtimoiy va ilmiy asoslarini tahlil qilishdir. Shu bilan birga, milliy ta’lim tizimida mazkur yo‘nalishning o‘ziga xosligini ko‘rsatib berish va uning rivojlanish istiqbollarini baholashdan iboratdir.