Mamlakatimizda ta’lim sifatini oshirish uchun avvalo, bolalarning qobiliyatlari va holatidan qat’i nazar, ularning barchasiga sifatli ta’lim taqdim etilishi kerak. O’quv reja, dastur va darsliklar maxsus ehtiyojli bolalarning imkoniyatlariga moslashuvchan bo’lishi kerak. Bolaning maxsus ta’limga bo’lgan ehtiyojlari har qanday integratsiya faoliyatining asosini tashkil etishi kerak. Shaxs ehtiyojlarining darajalari va turlari har xil boʻlganligi tufayli bunday faoliyatlar moslashuvchan bo’lishi talab etiladi. Inklyuziv taʼlim nogiron va sog’lom bolalar o’rtasidagi to’siqlarni (diskriminatsiyani) bartaraf etish, maxsus ta’limga muhtoj bolalar (ayrim sabablarga ko’ra imkoniyati chelangan) oʻsmirlar rivojlanishida uchraydigan nuqsonlar yoki iqtisodiy qiyinchiliklardan qat’i nazar ijtimoiy hayotga moslashtirishga yo’naltirilgan umumta’lim jarayoniga qoʻshishni ifodalovchi ta’lim tizimidir. Inklyuziv ta’lim to’g’ri tanlovdir, sababi bolalar uyda yoki maxsus muassasalarda taʼlim olgandan ko’ra oddiy maktabda o’z tengdoshlari bilan ta’lim olganda ularning bilim olishga bo’lgan ishtiyoqi oshadi, ta’lim samaradorligi ham yuqori bo’ladi. Uyda ta’lim olgan bolalar jamiyatdan uzulib qoladi, ko’pchilikka qo’shilolmay odamovi bo’lib qolishadi.Maxsus muassasalarda ta’lim olgan bolalarning ko’pchiligi esa bilim darajasi past bo’lib qolishi, yoki o’qishga qiziqishi pasayishi mumkin, sababi u yerda undan ham rivojlanishda orqada qolgan bolalar bo’lishi mumkin, baribir muhit katta ta’sir qiladi.“Qovun qovundan rang oladi deganlaridek” sog’lom bolalar bilan o’qigan bola ulardan namuna oladi, hamda ular bilan raqobatlashishga harakat qiladi.