"Etiologiya" termini grekcha so‘zdan olingan bo’lib, (etio — sabab, logos — fan, o‘rganish) sabablarni o‘rganuvchi fan ma’nosini bildiradi. Sababiyat muammosi qadim-qadimdan insoniyat e’tiborini o‘ziga qaratib kelgan. Sabablar haqidagi fan sifatida etiologiyaning rivojlanishi tibbiy va tabiiy fanlar qatorida umumiy ilmiy taraqqiyot bilan uzviy bog’liqdir. Bundan tashqari "etiologiya" tushunchasining o‘zi falsafiy kategoriyalardan biri bo‘lib hisoblangani sababli, falsafaning rivojlanishiga uning ham aloqasi bordir.