Tishli mexanizmlar mashinasozlikda ko'p qo'llaniladigan mexanizmalar hisoblanadi. Ular mashinalarning tezliklar qutisida, kardan valga turli hil tezliklarni ta’minlash uchun, mashinalarning ko’priklarida g’ildiraklarning turli burchak tezliklarida harakatlanishini boshqarish uchun, metal kesish dastgohlarida potronga mahkamlangan detalning turli tezliklarda aylanishini ta’minlash uchun, reduktorlarda ishchi valga aylanish chastotasini kamaytirib berish, multipiliyatorlarda esa ishchi valga aylanish chastotasini ko’paytirib berish uchun, har – xil tekisliklarga aylanma xarakatlarni va quvvatlarni uzatish uchun xizmat qiladi. Ularning boshqa uzatmalardan afzalligi: katta quvvatlarni o’zgarmas uzatish nisbati bilan uzata olishi, uzoq muddat samarali ishlashi, ishonchliligi, foydali ish koyeffisentining yuqoriligi hisoblanadi.