O‘qish savodxonligini tadqiq etishda Ta’lim sohasidagi yutuqlarni baholash xalqaro assotsiatsiyasining (IEA) PIRLS tadqiqoti mazkur assotsiatsiyaning 1991-yildagi o‘qish savodxonligini tadqiq etish dasturi bilan bog‘liq bo‘lib, 2001-yilda boshlanib, har besh yilda o‘tkaziladi. PIRLS xalqaro tadqiqoti o‘qish savodxonligiga berilgan ta’rif IEA xalqaro assotsiatsiyasining 2001-yildagi tadqiqoti asoslangan bo‘lib, o‘qish savodxonligi “tushunish va shaxs tomonidan qadrlanadigan va/yoki jamiyat tomonidan talab etiladigan barcha yozma til shakllaridan foydalana olish qobiliyati” deb izohlanadi. Matnning mazmuni o‘qish tarzi asosida o‘quvchi va matn o‘rtasidagi o‘zaro bog‘liqlik orqali hosil qilinadi. O‘quvchi matndan anglashilgan ma’noni tez ilg‘ab oladi, matn ustida mulohaza yuritadi, samarali o‘qish strategiyasidan foydalanadi, o‘qish ustida tafakkur qiladi.