PIRLS tadqiqotining maqsadi va ahamiyati PIRLS (Progress in International Reading Literacy Study) – boshlang‘ich ta’limning 4-sinf o‘quvchilari o‘qish savodxonligini baholashga qaratilgan xalqaro dastur. Bu tadqiqot: O‘quvchilarning o‘qish qobiliyati va matnni tushunish darajasini aniqlash; Matn bilan ishlashda o‘quvchilarning qiyinchiliklarini aniqlash va ularga yordam berish; Turli mamlakatlar ta’lim tizimini taqqoslash maqsadida o‘tkaziladi. Matnlar yoshga mos va madaniy jihatdan neytral bo‘lib, ularning mazmuni qiziqarli va tushunarli tarzda tanlanadi. Matn bilan ishlash jarayonida o‘quvchilardan quyidagilar talab qilinadi: Asosiy fikrni tushunish. Matndan kerakli ma’lumotni izlab topish. Matn mazmuni asosida xulosa chiqarish. Matn haqida shaxsiy fikr bildirish. PIRLS tadqiqotida ishtirok etishga tayyorgarlik jarayoni o‘quvchilarning o‘qish savodxonligini oshirish va matn bilan ishlash ko‘nikmalarini rivojlantirishga yordam beradi. Matnni tahlil qilish, asosiy fikrni aniqlash va xulosa chiqarish ko‘nikmalari bu jarayonning ajralmas qismidir. To‘g‘ri tashkil etilgan tayyorgarlik ishlari o‘quvchilarning xalqaro baholash dasturida yuqori natijalarga erishishini ta’minlaydi.