Ta’lim jarayonida o‘quvchilarning tafakkurini shakllantirish, ularning bilim va ko‘nikmalarini tizimli ravishda rivojlantirish eng muhim pedagogik vazifalardan biridir. Boshlang‘ich ta’lim bosqichida bu vazifa ayniqsa dolzarb bo‘lib, bu davrda o‘quvchilarda eng asosiy, tayanch bilimlar shakllantiriladi. Shunday tayanch bilimlardan biri bu – matematik tushunchalar, xususan, sonlar va raqamlar haqida dastlabki tushunchalarning paydo bo‘lishidir. Matematika fani boshlang‘ich sinf o‘quvchilari uchun dunyoni anglash, mantiqiy fikrlashni o‘stirish hamda kundalik hayotdagi oddiy masalalarni mustaqil hal qilishga o‘rgatadi. Aynan shu bosqichda o‘quvchining sonlar bilan ishlash ko‘nikmalari, hisoblash malakalari va mantiqiy xulosalar chiqarish qobiliyati