TA’LIM METODLARI VA VOSITALARI. TA’LIMNI TASHKIL ETISH SHAKLLARI VA TURLARI Mavzu rejasi: Ta’lim metodlari va usullari tushunchalari. Ta’limni tashkil qilish shakllari haqida tushuncha. Ta’limni tashkil qilishning an’anaviy sinf-dars shakli Tayanch tushunchalar: metod, ta’lim metodi, ta’lim usuli, qoida, intrefaol metod, metodika, texnologiya, didaktik vosita, ta’limning texnik vositalari, tashkil etish, shakl, ta’limnitashkil etish shakli, ta’limnitashkil etish tizimi, dars. Metod, usul va texnologiya. Ta’lim metodi tushunchasi anchagina murakkabdir. Shu bois pedagogikada uning tobora aniq talqini xususida munozara haligacha davom etmoqda. Biroq bu tushunchaga beriladigan didaktlarning turli ta’riflariga qaramay, ularning nuqtai nazarlarini yaqinlashtiradigan qandaydir umumiylikni ham ta’kidlash mumkin. Ko‘pchilik mualliflar ta’lim metodini o‘quvchilarning o‘quv bilish faoliyatini tashkil etish usuli, deb hisoblashga moyildir.