Tayanch-harakat apparati buzulgan (THAB) bolalar – bu harakatlanish, muvozanat saqlash, muskullar faoliyati yoki suyak-bo‘g‘im tizimida nuqsonlari mavjud bo‘lgan bolalardir. Ularning rivojlanishi jismoniy cheklovlar bilan kechadi, bu esa ta’lim jarayonida maxsus yondashuvni talab etadi. THAB holatlari tug‘ma yoki orttirilgan bo‘lishi mumkin. Tug‘ma holatlarga – serebral falaj, mushak distrofiyasi, suyak tuzilmasi nuqsonlari kiradi. Orttirilgan sabablarga – travmalar, yuqumli kasalliklar yoki nevrologik shikastlanishlar kiradi. Mutaxassislar bilan hamkorlik Bunday bolalar bilan ishlashda defektolog, reabilitolog, logoped, psixolog va ota-onalar birgalikda harakat qilishlari zarur. Bu uzluksiz reabilitatsiyani ta’minlaydi.