Mavzuning dolzarbligi. Bugungi kunda o’zbek xalqi oldida turgan ma’naviyatni tiklashda Kaykovusning fikrlari, o’gitlari, qarashlari ham muhim o’rin tutadi, albatta. Bitiruv ishimizda uning fikrlarini tahlil qilib, o’rganib hozirgi davrda uning qaysi tomonlaridan qay o’rinlarda foydalanish va qo’llash yo’llarini ko’rsatgan. Malakviy bitiruv ishimizning maqsadi – Kaykovusning pedagogika sohasida qarashlarini o’rganish, tahlil qilish. Uning kundalik turmushda va oila tarbiyasida, ta’lim-tarbiya jarayonida qo’llanishining nazariy jihatlarini hamda usullarini ko’rsatishdan iborat. Bitiruv ishimizda quyidagi vazifalarni bajarish nazarda tutiladi. 1. Kaykovusning yashab o’tgan davr sharoiti va madaniyatini yoritish. 2. Kaykovusning qarashlaridagi pedagogik g’oyalarni aniqlash. 3. “Qobusnoma” ning kundalik turmushdagi, bolalarni tarbiyalashdagi ahamiyatini bayon qilish. 4. Kuzatish va tajribalar asosida bolalarni oilada tarbiyalashda va boshlang’ich sinflar ta’lim-tarbiya jarayonida qo’llash usullarini tahlil qilish. Tadqiqot ob’yekti – Kaykovusning “Qobusnoma” asari, “Qobusnoma” asari asosida bolalarni oilada tarbiyalash mazmuni, shakllari, usul va metodlari Ilmiy tadqiqot metodlari - bitiruv malakaviy ishni tayyorlash jarayonida quyidagi ilmiy tadqiqot metodlarini qo’lladik: 1. Nazariy adabiyotlarni o’rganib tahlil qilish. 2. Pedagogika sohasida o’z fikrlarini bayon etgan Markaziy Osiyo mutafakkirlarining qarashlari, qo’llanma, risolalarini o’rganish. 3. Oila tarbiyasida va boshlang’ich sinflarda ta’lim-tarbiya jarayonini kuzatish, boshlang’ich sinf o’qituvchilarini ota-onalar bilan suhbatlar, anketa so’rovlarni o’tkazish. Malakaviy bitiruv ishimizning metodologik asosi O’zbekiston Respublikasi Mustaqillik mafkurasi, Konstitutsiya Ta’lim to’g’risidagi qonunda ilgari surilgan g’oyalar. Tadqiqot ilmiy yangiligi. Kaykovusning yashab o’tgan davr sharoiti va madaniyatini yoritildi. Kaykovusning qarashlaridagi pedagogik g’oyalarni aniqlandi. “Qobusnoma” ning kundalik turmushdagi, bolalarni tarbiyalashdagi ahamiyatini bayon qilindi. Kuzatish va tajribalar asosida bolalarni oilada tarbiyalashda va boshlang’ich sinflar ta’lim-tarbiya jarayonida qo’llash usullarini tahlil qilindi. Tadqiqotning ilmiy amaliy ahamiyati: Tadqiqotni olib borish natijasida oilada bolalarni “Qobusnoma” asari asosida tarbiyalashga yo`naltirilgan nazariy yondashuvlar, pedagogik g`oyalar, tarixiy tajribalar ulardan foydalanish imkoniyatlari o`rganildi va boyitildi. Ushbu metodikadan boshlang`ich ta’lim fakulteti talabalari va o`qituvchilar ta’lim tarbiya jarayonida foydalanishlari mumkin. Bitiruv malakaviy ish kirish, ikki bob, olti paragraf, umumiy xulosalar, foydalanilgan adabiyotlar ro`yxatidan iborat .