Xalqaro baholash dasturlari (PIRLS, TIMSS, PISA) va ularni amalda qo‘llay olish ta'lim tizimining rivojlanishida muhim ahamiyatga ega bo'lib, o'quv dasturlarini, adabiyotlarni va o'qitish uslublarini o'zgartirishga olib keladi. Ular o'quvchilarning bilim darajasini, tanqidiy, ijodiy va mantiqiy fikrlashini rivojlantirish uchun juda katta ahamiyatga ega. PIRLS boshlang‘ich 4-sinf o‘quvchilarining matnni o‘qish va tushunish darajasini baholash, TIMSS 4- va 8-sinf o‘quvchilarining tabiiy-ilmiy yo‘nalishdagi fanlardan savodxonligini baholash, PISA 15 yoshli o‘quvchilarning o‘qish, matematika va tabiiy yo‘nalishdagi fanlardan savodxonlik darajasini baholash maqsadida amalga oshiriladi. Bunday xalqaro baholash dasturlari O'zbekiston ta'lim tizimini zamonaviy talablarga moslashtirish uchun muhim vazifani bajaradi.