Globallashuv davrining o‘ziga xos xususiyatlaridan biri unda yashayotgan har bir kasb egasining o‘z kasbiga xos bo‘lgan xususiy normalar, me’yorlar va qoidalardan tashqari, aynan shu kasbga oid bo‘lgan, shu kasb doirasida xoslangan axloqiy me’yorlar, qoidalar va etiket normalariga amal qilishi ham zaruriyat darajasiga ko‘tarildi. Bu esa har bir kasbning fidoyi vakillari qatorida, axloq ilmi bilan shug‘ullanuvchi olimlarni ham kasb axloqi va etiketi, professional etikaning me’zonlarini tadqiq etish va yangi normalarni ishlab chiqish vazifasini yukladi.