Har bir lider yoki boshliq o‘zicha individual va takrorlanmasdir. Buning boisi har bir zamonaviy boshliq faoliyatini o‘ziga xos tarzda tashkil etishidadir. Ijtimoiy psixologiyada batafsil o‘rganilgan muammolardan biri - turli boshqaruv uslublaridir. Bu sohada, ayniqsa nemis olimlaridan G.Gibsh va M.Forverg, rus olimlaridan V.Parigin, I.Uminskiy, M.Jukov va boshqalarning ishlari diqqatga sazovordir. Barcha ilmiy tadqiqotlar natijalarini umumlashtirgan holda ijtimoiy psixologiyada qabul qilingan 3 ta asosiy uslubga tavsif berib chiqamiz. Bu uch uslub - avtoritar, demokratik va liberal boshqaruv uslublaridir.