Bugungi kunda ta’lim tizimida o‘quvchilarning nafaqat bilim olishi, balki ularning ruhiy, emotsional va ijtimoiy jihatdan sog‘lom rivojlanishi ham muhim ahamiyat kasb etmoqda. Jamiyatning tezkor rivojlanishi, axborot oqimining kuchayishi, oilaviy va ijtimoiy muammolar bolalarning psixologik holatiga sezilarli ta’sir ko‘rsatmoqda. Shu sababli maktab ta’lim muassasalarida ijtimoiy-psixologik yordamni samarali tashkil etish dolzarb masalalardan biri hisoblanadi.