Maktabgacha yoshdagi (3-7 yoshgacha) bolalarni psixologik-pedagogik o‘rganish Tayanch iboralar: gо‘daklik, ilk yosh, harakatlanish, sensor, hissiy; ovoz faolligi, amaliy faoliyat, kattalar bilan munosabat, о‘yin faoliyati. Odatda psixodiagnostik о‘rganish bolalar hayotining 1,5-2 oyidan keyin boshlanadi. Bunday tekshirishning obyektlari bо‘lib miyasida erta organik nuqsoni bor, yoki ijtimoiy yo hissiy og‘ir muhitda (bolalar uyi, ona tomonidan bolaga bо‘lgan e’tiborsizli) о‘sib boruvchi bolalar hisoblanadi. Bir yoshdagi bolalarni о‘rganishning bir necha metodikalari mavjud. Rossiyada keng tarqalgani bu Gezel rivojlanish Shkalasi, Denver skrining metodikasi va boshqalar. G.V.Pantyuxina, K.N.Pechora, E.L.Fruxt, O.V.Bajenova, L.T.Jurba, YE.M.Mastyukovalarning ishlarini ham alohida ajratish mumkin. Barcha metodikalar bitta tamoyil asosida tuzilgan:ular harakat, nutqiy, bilim olish, ijtimoiy soxalarni о‘rganishga qaratilgan vazifalar tо‘plamidan iborat. Yoshiga qarab vazifalar qiyinlashib boradi. Bolaning teshirish natijalari normativ bilan solishtirilib baholanadi. Metodikalar bolaning psixikasi shakllanganligi norma xolatdaligini, qolib ketgan bо‘lsa, zaiflashgan sohalarni aniqlash yechimini topadi.