Jahon ta’lim va ilmiy markazlarida turli ijtimoiy sharoitlarda yuzaga keladigan nizoni keltirib chiqaruvchi ijtimoiy-psixologik omillarn aniqlash, nizo turlarini tahlil qilish, nizolashuv darajasini o‘smirlar xarakteriga ta’siri, nizo asosida o‘smirlar o‘rtasida xulq-atvor buzilishlari, o‘z-joniga qasd qilish, o‘smirlar jinoyatchiligin oldini olish, nizolashuv holatini ijtimoiy-psixologik profilaktikasi masalalari bo‘yicha tadqiqotlar olib borilmoqda.Biz o‘tkazilgan tadqiqotimiz jarayonida otaona va farzandlar o‘rtasidagi yuzaga kelishi mumkin bo‘lgan nizolarning kelib chiqishini ijtimoiy-psixologik omillarini o‘rganish jarayonida o‘z muallifligimizdagi «Ota-ona va farzandlar o‘rtasidagi nizolarni kelib chiqishinini psixologik omillari» nomli ijtimoiy psixologik so‘rovnomasidan foydalandik. Psixologik omillar. O‘tkazilgan tadqiqot natijalari asosida aytish joizki, ota-ona va farzandlar o‘rtasidagi nizolarning kelib chiqishi Jizzax viloyati ota-onalari «Oiladagi psixologik muhitni yomonligi omilini birinchi darajali», «Otaonalarda psixologik bilimlarning yetishmasligi» omilini ikkinchi, «Farzandlarni xohishi inobatga olinmasligi» omili uchinchi, «Ota-ona tomonidan o‘smir yosh xususiyatlarini tan olinmasligi» omili kam ahamiyatli darajada qayd etilgan bo‘lsa, farzandlarda esa bu omillar quyidagicha namoyon bo‘ldi, ya’ni «Farzandlarning istagi inobatga olinmasligi» omili birinchi, «Ota-ona tomonidan o‘smirlik yoshidagi xususiyatlarini tan olmasligi» omili ikkinchi, «Ota-onalarda psixologik bilimlarning yetishmasligi» omili uchinchi va «Oilada psixologik muhitning yomonligi» omilini oxirgi o‘ringa qo‘yganlar. Samarqand shahri ota-onalarida esa ota-ona va farzandlar o‘rtasidagi nizolarni kelib chiqishining psixologik omillari quyidagi natijalarni ko‘rsatdi. «Ota-onalarda psixologik bilimlarning yetishmasligi» omilini birinchi, «Ota-ona tomonidan o‘smirlik yoshidagi xususiyatlarini tan olmasligi» omili esa ikkinchi darajani ko‘rsatgan bo‘lsa, «Oilada psixologik muhitning yomonligi» va «Farzandlarning istagi inobatga olinmasligi» omillari esa past natijani ko‘rsatmoqda. Samarqandlik o‘smirlar «Oilada psixologik muhitning yomonligi» omili yuqori natijani ko‘rsatmoqda, ikkinchi o‘rinda «Ota-onalarda psixologik bilimlarning yetishmasligi» omili, uchinchi o‘rinda esa «Farzandlarning xohishi inobatga olinmasligi» omilini ko‘rsatib o‘tishgan, «Ota-ona tomonidan o‘smirlik yoshidagi xususiyatlarini tan olmaslik» omili borasida o‘smirlar munosabat bildirmaganlar.