Психология-лотинча «псюхе» - руҳ, жон, «логос» - фан, таълимот деган сўзлардан олинган бўлиб, руҳ, жон ҳақидаги фан деган маънони англатади. Антик даврдан бошлаб (Арасту, Афлотун, Гален, Анаксимен, Демокрит, Фалес) инсон психикаси, унинг қалби, ҳислари, хулқи масалаларига эътибор қаратилиб келган бўлса ҳам, психология 1879 йилда Лейпциг университетида немис физиологи ва психологи Вильгельм Вундт томонидан биринчи психологик лаборатория ташкил этилиб, унда илмий асосда турли тажрибалар ўтказиш бошлангандан кейин мустақил фан сифатида тан олинган. Бу фан фалсафа ва табиатшунослик фанлари негизида шаклланган бўлиб, ҳозирга қадар унинг 300дан ортиқ мустақил тармоқлари мавжуд.