Miyada hosil bo‘ladigan to‘lqinlar turli chasotadagi elektromagnit tebranishlariga o‘xshab ketadi. Kosmonavt miyasining biotoklari yozuvi uning markaziy nerv sistemasida yuz beradigan o‘zgarishlar ko‘rsatkichi bo‘lib xizmat qiladi. Psixik funksiyalar muayyan tarzda chap va o‘ng yarimsharlar o‘rtasida taqsimlanishi chuqur o‘rganilgan. Psixikaning mazmuni — tirik mavjudot o‘zaro munosabatda bo‘ladigan tashqi olam bilan belgilanadi. Psixik va nerv-fiziologik jarayonlarning o‘zaro munosabati murakkab muammolardan hisoblanadi. Psixikaning o‘ziga xos xususiyatlarini nerv-fiziologik xususiyatlaridan qanday muhim belgilari bilan farqlanishini aniqlash muhim ahamiyatga ega.