SOTSIAL-PSIXOLOGIK TRENINGDA QAYTA ALOQA TUSHUNCHASIMUNDARIJAKIRISH I BOB. SOTSIAL-PSIXOLOGIK TRENINGDA QAYTA ALOQA TUSHUNCHASINING NAZARIY ASOSLARI 1.1. Qayta aloqa tushunchasining psixologik mazmuni 1.2. Sotsial-psixologik trening va undagi kommunikativ jarayonlar 1.3. Qayta aloqaning turlari, funksiyalari va qo‘llanish tamoyillari I Bob bo’yicha xulosa II BOB. SOTSIAL-PSIXOLOGIK TRENINGDA QAYTA ALOQA JARAYONINING AMALIY TAHLILI 2.1. Trening guruhida qayta aloqa berishning bosqichlari 2.2. Qayta aloqa texnikalari XULOSA FOYDALANILGAN ADABIYOTLAR ILOVALAR KIRISHMavzuning dolzarbligi.Hozirgi davrda jamiyatning ijtimoiy-psixologik rivojlanishi shaxslararo munosabatlar madaniyatining shakllanishi bilan chambarchas bog‘liq. Sotsial psixologiya fanida insonning muloqotga kirishish ko‘nikmalari, o‘zaro ta’sir jarayonida yuzaga keladigan emotsional holatlar, o‘zini ifodalash darajasi va guruh ichidagi rollarni to‘g‘ri anglash muhim ahamiyat kasb etadi. Shu nuqtayi nazardan, sotsial-psixologik trening (SPT) shaxsning kommunikativ salohiyatini oshirish, ijtimoiy vazifalarni samarali bajarishga tayyorlashning zamonaviy va amaliy jihatdan eng samarali usullaridan biri hisoblanadi.SPT jarayonining markaziy komponentlaridan biri — qayta aloqa (feedback) bo‘lib, u trening ishtirokchilarining o‘z xatti-harakatlari, hissiy reaksiyalari hamda kommunikativ uslublarini tushunishlariga yordam beradi. Qayta aloqa shaxsning o‘zini anglash jarayonini faollashtiradi, konstruktiv fikrlashni rivojlantiradi, ijtimoiy kompetensiyalarni mustahkamlaydi va guruhiy dinamikaning barqaror rivojlanishini ta’minlaydi. Mazkur kurs ishining dolzarbligi shundaki, hozirgi globallashuv sharoitida insonlarning psixologik barqarorligi, ijtimoiy faolligi va muloqot madaniyati jamiyatning intellektual salohiyati bilan bir qatorda rivojlanmoqda. Ayni paytda ta’lim muassasalarida, ishlab chiqarish jamoalarida, ijtimoiy sohada va oilaviy munosabatlarda yuzaga kelayotgan psixologik muammolarni bartaraf etishda trening texnologiyalari muhim rol o‘ynaydi. Kurs ishining maqsadi — sotsial-psixologik trening jarayonida qayta aloqaning nazariy asoslarini ochib berish, uning amaliy samaradorligini ko‘rsatish va trening ishtirokchilari uchun qayta aloqa berish ko‘nikmalarini rivojlantiruvchi korreksion dastur ishlab chiqishdir. Kurs ishining obyekti: Termiz davlat universiteti 2 kurs talabalari Kurs ishining predmeti: trening jarayonida qayta aloqa berish va qabul qilish mexanizmlarining psixologik xususiyatlarini o’rganish. Kurs ishining vazifalari quyidagilardan iborat: 1. Qayta aloqa tushunchasining psixologik asoslarini ochib berish, uning sotsial-psixologik treningdagi o‘rnini tahlil qilish. 2. SPT jarayonida kommunikativ o‘zaro ta’sir mexanizmlarini o‘rganish, trening ishtirokchilarida kommunikativ kompetensiyaning shakllanish omillarini yoritish. 3. Qayta aloqaning turlari, tamoyillari va funksiyalarini ilmiy-nazariy manbalar asosida tahlil qilish. 4. Qayta aloqaning shaxs rivojlanishiga ta’siri, refleksiya va empatiyani rivojlantirishdagi ahamiyatini asoslash. O’rganilganlik darajasi: Sotsial-psixologik trening va qayta aloqa masalalari psixologiya fanida keng o‘rganilgan bo‘lib, mazkur yo‘nalishda xorijiy va mahalliy olimlar tomonidan turli ilmiy tadqiqotlar olib borilgan.K. Levin, J. Moreno va K. Rudestamlar trening guruhining psixologik mexanizmlarini, qayta aloqa jarayonining guruh dinamikasiga ta’sirini chuqur tahlil qilgan.K. Rojers, T. Gordon va A. Banduralar konstruktiv muloqot, empatiya va qayta aloqaning shaxsning o‘zini anglashidagi o‘rnini ilmiy asoslab bergan.O‘zbek psixologiya maktabi olimlari — G‘. Shoumarov, B. Qodirov, N. Maxmudova, Sh. Raxmatova va boshqalar — trening texnologiyalarini ta’lim va psixologik xizmat amaliyotida qo‘llash imkoniyatlarini yoritgan. Kurs ishi kirish qismidan, uch bobdan, xulosa, foydalanilgan adabiyotlar ro‘yxati va ilovalardan iborat.