Ushbu maqolada talabalarda imtihon oldi stressining psixologik xususiyatlari va uni kamaytirish usullari tahlil qilinadi. Imtihonlar nafaqat bilimni baholash vositasi, balki talabaning ruhiy barqarorligi va o‘ziga bo‘lgan ishonchini sinovdan o‘tkazuvchi jarayon hisoblanadi. Stress darajasining yuqoriligi ko‘pincha talabalarda diqqatning susayishi, xavotir kuchayishi, natijada esa bilim va ko‘nikmalarni to‘laqonli namoyon qila olmaslikka olib keladi. Shu bois maqolada stressni kamaytirishning samarali usullari – vaqtni to‘g‘ri boshqarish, psixologik mashqlar, relaksatsiya texnikalari, ijobiy motivatsiya va sog‘lom turmush tarzining ahamiyati keng yoritilgan.