Kartoshkaning tuganagi oqsilning biologik qimmatliligi bo’yicha (organizmda o’sish va rivojlanishini ta’minlash uchun azotni o’zlashtirish ko’rsatkichi) ham boshqa mahsulotlarga nisbatan ustun turadi: tovuq tuxumi – 96, kartoshka 73, soya – 72, makkajuxori – 54, bug’doy uni – 53, gorox – 48. Kartoshka Amerikadan Yevropaga XVI asrda Ispaniyaliklar tomonidan keltirilgan. Ispaniyaga u 1570 yilda keltirilib, Ispaniyadan – Italiyaga, undan esa Yevropaning boshqa qismlariga keltiriladi. Shveysariyadan Germaniyaga o’tib, Fransiya yeriga yetib keladi. Rossiyada kartoshka XVII asrning oxirida paydo bo’ladi. Ma’lumotlarga ko’ra, Petr 1 tomonidan Roterdamdan (Gollandiya) dan yuborilgan bir kop kartoshka kartoshkaning Rossiyaga keltirilish yo’llaridan biri bo’lib hisoblanadi.