Niderlandiya qishloq xo‘jaligi ko‘p mahsulot ishlab chiqaradi va eksport qiluvchi yetakchi mamlakat sanaladi. Asosan sut mahsulotlari, tuxum, parranda go‘shti, go‘sht konservalari hamda cho‘chqa go‘shti eksport qilinadi. Chorvachilik va parrandachilik mahsulotlari qiymatining katta qismini tashkil qiladi. Bog‘dorchilik, sabzavotchilik va gulchilik mahsulotlari yuqori bo‘lib, issiqxonada yetishtirilgan sabzavot, meva va uzumlar bilan ham mashhurdir. Dunyoda issiqxonada yetishtirilgan sabzavot va meva eksportida birinchi o‘rindadir. Kartoshka dunyoning ko‘plab mamlakatlariga eksport qilinadi. Shuningdek, qand lavlagi, bug‘doy, arpa, suli ekiladi. Gullardan ayniqsa Gollandiyasi bilan mashhur, lolalar eksporti katta hajmga ega. Niderlandiyadagi yirik gullar auksionlari mamlakat iqtisodiyotiga sezilarli daromad keltiradi.