O'zbekiston Respublikasi mustaqillikka erishgandan keyin ma'naviy qadriyatlar, milliy urf-odatlar va an'analar tiklandi. Ayniqsa, jismoniy tarbiya va sport ommaviyligini ko'tarish, jismoniy madaniyat harakatini rivojlantirish, xalq milliy o'yinlarini qayta tiklash, sog`lom turmush tarzini shakllantirish va ularning sport mahoratini oshirish bo'yicha ilmiy- nazariy anjumanlar o'tkazildi. Chunonchi: 1991 yil Jizzax viloyati Forish tumanida xalq o'yinlari, milliy sport turlarining birinchi festivali o'tkazildi. Ana shu munosabat bilan har yili milliy sport o'yinlarini o'tkazish an'anaga aylandi. “O'zbekiston Respublikasida sportchi o'rinbosarlar tayyorlashning oqilona yo'llari” (Toshkent, 1992 yil), “Jismoniy tarbiya va sportda qo'llaniladigan o'zbek tilidagi atamalar” (Termiz, 1993 yil). O'zbekiston sporti tarixida Milliy Olimpiya qo'mitasining tashkil topishi muhim ahamiyatga ega bo'ldi. 1992 yil 21yanvarda O'zbekiston Respublikasining “Milliy Olimpiya qo'mitasi” tuzilib, Obid Nazarov “Milliy Olimpiya qo'mitasi”ning prezidenti qilib saylandi. “Milliy Olimpiya qo'mitasi” 1992 yil 3-martda Xalqaro Olimpiya qo'mitasi tarkibiga rasman a'zo bo'lib kirdi. U O'zbekistonda olimpiya g`oyalarini targ`ib qilish, olimpiya o'yinlarida Respublika vakillari ishtirokini ta'minlash, jahon sportchilari bilan do'stona aloqalar o'rnatish va ularni rivojlantirishdek sharafli vazifalarni amalga oshirmoqda. Milliy Olimpiya qo'mitasining 127 a'zosi va 11 faxriy a'zosi bor. Mavzuning dolzarbligi. Umumta`lim maktablari jismoniy tarbiya darslarini tashkil etish, o`quvchilarning jismoniy tarbiya va sportga oid nazariy-amaliy bilimlarini oshirish, endi o`sib kelayotgan yosh avlodda sog`lom turmush tarzini sharllantirish, jismoniy tarbiya darslarida sog’lomlashtiruvchi mashg’ulotlariga nisbatan ko`nikma va malakalarni shakllantirishga oid tavsiyalar ishlab chiqish mavzuning dolzarbligini belgilaydi. Kurs ishining maqsadi. Umumta'lim maktablarining jismoniy tarbiya darslarini tashkil etishda nazariy, amaliy va eksperimental-metodik asoslarni tadqiq etish va bu borada ilmiy metodik tavsiyalar ishlab chiqish. Kurs ishi vazifalari: 1. Mavzuga oid ilmiy-pedagogik adabiyotlarni o'rganish. 2. Jismoniy tarbiya darslarida o’quvchilarni sport mashqlarga o’rgatishning yangicha shakl va metodlarini ishlab chiqish. 3. O'tkazilgan tajriba, sinov va izlanishlarga asoslangan holda eksperiment natijalarini tahliliy va nazariy asoslash. Kurs ishi predmeti. Umumta'lim maktablarida jismoniy tarbiya darslarini tashkil etish, o'quvchi-yoshlarni sport mashg’ulotlariga o’rgatish jarayoni. Kurs ishi ob'ekti. Maktablarda jismoniy tarbiya darslarini tashkil etish, o’quvchilarni sport mashg’ulotlariga o’rgatish yo'llarining mazmuni, shakli va metodlari, vositalari. Kurs ishining tuzilishi: kirish ikki bob olti bo’lim xulosa va adabiyotlardan tashkil topgan.