Siyosiy konfliktlar ijtimoiy voqea sifatida butun siyosiy sohani, ichki va tashqi siyosatni, davlatni, siyosiy partiyalar va ijtimoiy harakatlarni, ijtimoiy va etnik guruhlarni, davlatlararo va xalqaro munosabatlarni qamrab oladi. Siyosiy konfliktlar ko‘p qirrali va murakkabligi bo‘lganligi sababli, ularni turli xil tartib bilan tasniflash (klassifikatsiyalash) mumkin. Konfliktlar namoyon bo‘lish xususiyati va ko‘lami bo‘yicha (ichki siyosatda yoki tashqi siyosatda), ijtimoiy qamrab olingan makoni va uning oqibatlari (mahalliy, mintaqaviy, mintaqalararo va global), me’yoriy-huquqiy tartibga solish xususiyati bo‘yicha farqlanadi.