Konflikt tuzilishi (strukturasi) deganda konfliktni statik tasvirlashda tahlil qilish tushuniladi. Ijtimoiy-siyosiy konfliktning tavsiflovchi statik tuzilishi hodisaning “ideal turi” sifatida (Maks Veber bo‘yicha) quyidagi elementlarni o‘z ichiga oladi: nizoning ikki yoki undan ortiq qarama-qarshi tomonlari (subyektlari), konflikt obyekti (predmeti), konfliktning bilvosita tomonlari (tuzilmaning ehtimollik elementi sifatida), uchinchi tomon (tuzilmaning ehtimollik elementi sifatida), atrofdagi ijtimoiy muhit (ijtimoiy va siyosiy maydon).