15 bet Бронхлар ўтказувчанлигини бузилиши. Брон хообструктив синдром – бронх ўтказувчанлигини бузилиш синдроми сурункали оғир самарали ёки самарасиз кечувчи йўтал билан намоён бўлади, ҳамда ўпка эмфиземаси ривожланиши билан характерланади. Сабаблари: -Бронхлар шиллиқ пардасини яллиғланиши ва шиши, -Бронхоспазм, одатда шиллиқ пардани шиши билан (бронхиал астма), -Диффуз перибронхиал фиброз, бронхни ташқаридан сиқади, -Ўпка эмфиземасида бронхларни ташқаридан механик сиқилиши. Клиник манзараси -Шикоятлар: экспиратор характерга эга бўлган кучли хансираш- бўғилиш (астма). -Умумий кўздан кечириш: вазияти – ортопноэ, нафас мускуллари нафас актида фаол иштирок этади, юзи кериккан, цианоз. - Кўкрак қафасини кўздан кечириш: кўкрак қафаси эмфизематоз. Дистанцион хириллашлар эшитилади. -Кўкрак қафасини пальпацияси: кўкрак қафаси ригид, экскурсияси кескин чекланган, овоз дириллаши барча соҳада сусайган. -Кўкрак қафасини таққослама перкуссияси: барча майдонларда баланд қутичасимон перкутор товуш. -Топографик перкуссия: ўпкани юқори чегараси кўтарилган, пастки чегаралари пастга силжиган. Ўпка экскурсияси кескин чекланган. - Аускультация – нафас чиқариш фазаси узайган, везикуляр нафас сусайган, хар оҳангли кўплаб қуруқ ҳуштаксимон хириллашлар. Бронхофония сусайган. Патогенез : -Яллиғланиш ёки нейро-гуморал регуляцияни бузилиши сабабли, бронхларни ўтказувчанлигини бузилиши ва бронхоспазмни юзага келиши. -нафас чиқаришда альвеолада ҳавони тутилиб қолиши -нафас олишда кирган ҳаво, альвеола ичидаги босимни одатдагидан бир неча бор ошиб кетишига олиб келади, бу эса ўз навбатида альвеолалар деворини ҳаддан ташқари чўзилишига олиб келади -альвеола деворини эластиклиги юқолади -қолдиқ ҳаво миқдори яна ортиб кетади -ўпка тўқимаси шиширилган ҳолга келади, ўпкада ҳавони ортиб кетиши синдроми юзага келади.