32 bet Picornavirus оиласи вируслари ўлчами кичик бўлиб, вирион диаметри 27-30 нм. Кубсимон типдаги симметрияга эга, 60 капсомердан тузилган. Липид қавати (суперкапсиди) йўқ (оддий вирус). Геноми чизиқли сегментларга бўлинмаган бир инли (+)РНК иборат бўлиб у юқумлилик хусусиятга эга. Унча катта бўлмаган ички Vpq оқсили бор. Капсиди 4 та тузувчи оқсил VP-1- VP-4- дан таркиб топган. Ташқи оқсиллари VP1-VP3 вируснинг антигенлик хусусиятини намоён қилади, VP-4 оқсили вирус РНК си билан бириккан. Вирус генами капсид оқсили билан зич қопланган. Одамда касаллик 4 хил клиник шаклда келади: клиник симпомлари ривожланмаган шакли, енгил фалажсиз шакли, асептик серозли менингит шакли, фалажлик шакли. Қўшимча касаллик симпомсиз инфекция шаклида кечади. Касалликнинг енгил шаклида иситма, бош оғриғи, ангина, кўнгил айниши ёки қусиш белгилари кузатилади. Бир неча кундан сўнг бемор тузалади Асептик минингит шакли 2-10 кун давом этади ва тузалиш билан якунланади. Полиомиелитнинг лабораториявий ташхисотида клиник материал сифатида нажас, кам ҳолларда бурун-ҳалқум чайиндиси, қон, ликвор текширилади. Асосий усул вирусологик бўлиб вирусни ажратиш ва уни идентификациялаш ҳисобланади. Материал фильтрланади, антибиотик билан ишлов берилади ва ҳужайра культураларида юқтирилади. Вирусни ажратиш БЖССТнинг тавсиясига мувофиқ ген-муҳандисликда олинган сичқон ҳужайра культурасида бажарилади. Шунингдек RD ҳужайра культураларида (Одам рабдомиосаркомалардан олинган) 5-7 кундан сўнг вирус ЦПТида ҳужайра тузилиши ўзгариб майда донадор кўринишни олади.