Badiiy tarjima jarayonida muqobillik va adekvatlik tushunchalari tarjimaning sifatini belgilovchi asosiy tamoyillar hisoblanadi. Muqobillik tarjimada so‘zlar va ifodalar o‘rtasida moslikni, asarning estetik va madaniy mohiyatini saqlashni bildirsa, adekvatlik tarjimaning original matn mazmuni va ruhiyatiga to‘liq mos kelishini ta’minlaydi. Ushbu tushunchalar tarjimonning til, madaniyat va adabiy bilimlariga, shuningdek, tarjima qilingan asarning estetik va ma’naviy xususiyatlarini chuqur anglashiga asoslanadi. Badiiy tarjima nafaqat leksik va grammatik o‘zgarishlarni, balki asarning ichki dunyosi va ruhiyatini yangi tilga yetkazishni o‘z ichiga oladi.