Bioenergetika — tirik tizimlarga xos anorganik va organik moddalar hamda yorug‘lik manbalaridan olingan energiyani foydali ishga aylantirish jarayonlarini o‘rganadigan ilmiy soha. Hujayrada sodir bo‘ladigan biokimyoviy reaksiyalar erkin energiya o‘zgarishi asosida amalga oshadi, shu bois bioenergetika biokimyo va biofizika bilan uzviy bog‘langan. Soha sitologiya, fiziologiya va ekologiya bilan ham chambarchas bog‘liq bo‘lib, molekula, hujayra, organizm, biootsenoz va biosferani qamrab oladi.