Moddalarning biologik va geologik aylanish jarayonlari birgalikda moddalarning biogeokimyoviy aylanishini hosil qiladi. Bu jarayon suv, kislorod, uglerod va azotning aylanishida namoyon bo'ladi. Biosferada kimyoviy elementlar va anorganik moddalarning tashqi muhitdan organizmlara, organizmlardan esa yana tashqi muhitga chiqishi orqali aylanishidir. Biosferada uglerodning davriy aylanishi 300 yil, kislorodning aylanishi 2000 yil, suvniki 2 mln yilga teng. Uglerod organik birikmalar hamda atmosferadagi karbonat angidrid gazi tarkibiga kiruvchi muhim biogen elementdir.