Botanika fani o‘simliklar olamini ilmiy asosda o‘rganadigan fundamental fan bo‘lib, o‘simliklarning tashqi va ichki tuzilishi, yashash muhitiga moslashuvi, rivojlanishi, ko‘payishi, ekologik va evolyutsion jihatlarini o‘rganadi. Fan o‘simliklarning inson hayotidagi o‘rni, dorivor xususiyatlari, oziq-ovqat va sanoat uchun ahamiyati, shuningdek ularni saqlash va oqilona foydalanish yo‘llarini tadqiq qiladi. Botanika fani ekologik muvozanat, biologik xilma-xillikni saqlash, qishloq xo‘jaligi sohasidagi rivojlanish, dorivor o‘simliklar va farmatsevtika kabi sohalarda muhim ahamiyatga ega. O‘zbekiston hududidagi endemik va noyob o‘simliklarni o‘rganish va muhofaza qilish masalalari ham fan doirasiga kiradi.