Dorivor o‘simlik mahsulotini sifati ko‘p holarda ularni yig‘ib olish muddatiga rioya qilgan holda tayyorlash, yig‘ishni to‘g‘ri uyushtirish va quritish tartibiga bog‘liq. Dorivor o‘simlikni tayyorlashda uning biologik faolligidan kelib chiqqan holda, yani dorivor o‘simlik mahsulotini tarkibida asosiy biofaol moddasi maksimal ko‘p to‘planish vaqtini, yovvoyi holda o‘sish sharoiti va holatini inobatga olish lozim. Tayyorlovchilar mahsulotni yig‘ish va quritish qo‘llanmasiga, shuningdek dorivor o‘simlikni muxofaza qilish va to’g‘ri foydalanish choralariga asoslanishlari kerak. Tayyorlash jarayoni quyidagi bosqichlarni o‘z ichiga oladi: mahsulotni yig‘ish; birlamchi ishlov berish; quritish, standart xolatiga keltirish; joylash, qadoqdash, transport vositalarida jo‘natish; saqlash.