Geranium (pelargonium) – Geraniaceae oilasiga mansub go‘zal gulli o‘simlik bo‘lib, 100 dan ortiq turlari mavjud. Barglarida sog‘liq uchun foydali efir moyi bor va u ezilganda o‘ziga xos hid taratadi. O‘simlik o‘rtacha tuvaklarda yaxshi o‘sadi; tepa shoxlari kesilsa, ko‘proq shoxlab chiqib gullaydi. Gullash davrida muntazam sug‘orish kerak, ammo tuproqni ortiqcha nam holda qoldirmaslik lozim. Qishda esa tuproq yengil nam bo‘lsa bas, barglarini purkash kasallikni keltirib chiqarishi mumkin. “Pelargonium” so‘zi yunoncha “pelargos” (laylak) so‘zidan olingan, chunki uning mevalari laylak tumshug‘iga o‘xshaydi.