Suv - tirik organizmlar tarkibida uchraydigan va tabiatda keng tarqalgan anorganik modda. Hujayrada suv qancha ko‘p bo‘lsa, uning hayot faoliyati shuncha jadal bo'ladi. Hujayraning fizik xossalari - hajmi, tarangligi suvga bog'liq bo'ladi. Tirik organizm uchun yashash muhiti hamdir. Suvning vazifalari ko'p jihatdan uning kimyoviy va fizikaviy xususiyatlari bilan aniqlanadi. Bu xususiyatlar asosan suv molekulasining kichikligi va ularning qutblanishi hamda bir-biri bilan vodorod bog'lar hosil qilib bog'lanishi orqali amalga oshiriladi. Qutblanish deganda molekuladagi zaryadlarning notekis taqsimlanishidir. Suv molekulasining bir chekkasi kuchsiz musbat zaryadga ega.