Ushbu laboratoriya mashg‘uloti mikroskopning tuzilishi va ishlash tartibini o‘rganishga, shuningdek mikroskopda mikropreparatlarni kuzatish ko‘nikmalarini shakllantirishga qaratilgan. Mashg‘ulot davomida mikroskopning optik va mexanik qismlari, ularning joylashishi va ishlash qoidalari o‘rganiladi. Shuningdek, mikropreparatlar tasvirini chizish metodikasi bo‘yicha amaliy ko‘nikmalar hosil qilinadi. Talabalar mikroskop bilan mustaqil ishlash malakasini rivojlantiradi hamda mikroskop qoidalari va qismlarini farqlay olishga o‘rganadi.