Mushuksimonlar (Felidae) oilasiga kiruvchi yirtqich sut emizuvchilar. Ularning boshi yumaloq, dumi odatda uzun, oyoqlari nisbatan uzun va barmoqlarida yuradi. Oldingi oyoklari 5 barmoqli, orqa oyoklari 4 barmoqli, tirnoqlari yurishda oyog‘i ichiga tortiladi (gepardlarda tortilmaydi). Ko‘pchiligi tunda faol va yirtqich. Junlari odatda qisqa va har xil ranglarda bo‘ladi. 4 urug‘ (yirik mushuklar, mushuklar, qor qoplonlari, gepardlar) va 36 turi mavjud, O‘zbekistonda 8 turi yashaydi. Ko‘pchilik turi yiliga bir marta 1—7 tadan bola tug‘adi. Ayrim turlari mo‘ynasi uchun ovlanadi, chorvachilikka qisman zarar yetkazadi, 15 turi Xalqaro Qizil kitobga kiritilgan.