Noorganik ionlar hujayra va hujayradan tashqari suyuqliklarda mavjud bo‘lib, ular turli biologik funktsiyalarni bajaradi. Kationlar va anionlar transport, struktura hosil qilish, regulyatorlik, osmotik stabilizatsiya, bioelektrik faoliyatda ishtirok etadi. Xlorid, natriy, kaliy ion kanallari hujayralar elektr potentsialini saqlaydi va muhim fiziologik jarayonlarni boshqaradi. Fosfat ionlari suyak va tishlarning rivojlanishi, energiya almashinuvida va nuklein kislotalarning sintezida muhim rol o‘ynaydi.