"Nuklein kislotalar" degan atama lotincha "nukleus", ya'ni yadro so‘zidan olingan. Nuklein kislotalar birinchi marta 1869- yilda shvetsariyalik vrach F.Misher tomonidan leykotsitlar yadrosidan topilgan. Nuklein kislotalar ikki xil bo‘ladi: DNK — dezoksiribonuklein kislota va RNK — ribonuklein kislota. DNK asosan hujayraning yadrosida, shuningdek mitokondriya va plastidalar tarkibida uchraydi. DNKning tuzilishi amerikalik biolog J.Uotson va angliyalik fizik olim F.Krik tomonidan 1953- yilda kashf etilgan. Barcha hujayralar - hayvon va o'simliklar hujayralarida irsiy axborotni saqlovchi tuzilma rolini DNK bajaradi. DNK organik birikmalar ichida strukturasi jihatidan o'ziga xos tuzilgan birikmadir.